काठमाडौं, असोज ७ । बलिउड अभिनेत्री परिणीति चोपडा आज विवाह बन्धनमा बाँधिदै छिन् । उनले आज आम आदमी पार्टीका नेता राघव चड्डासँग विवाह गर्दैछिन् ।
राजस्थानको उदयपुरस्थित ताज होटलमा शाही शैलीमा यो जोडीको बिहे हुँदैछ । राघव चड्डा र परिणीति कलेजका देखिका साथी हुन् ।
यस विवाहको हरेक कार्यक्रम फरक शैलीमा आयोजना गरिएको छ । शनिबार राति विवाह कार्यक्रम अन्तर्गत नवराज हंस रात्रिको आयोजना गरिएको थियो । यो जोडीको विवाहको लागि सम्पूर्ण ताज होटल सेतो थिमले सजाइएको छ । राघव चड्डाको विवाहमा दुलहाले राजस्थानी पगडी लगाएका छन् ।
चोपडा र आम आदमी पार्टीका सांसद राघव चड्डाको विवाहका लागि पूरै परिवार शुक्रबार उदयपुर पुगेका थिए । यसबाहेक विवाहमा सहभागी हुन परिणीति र राघवका नजिकका साथीहरू तथा करण जोहर, अक्षय कुमार, मनिष मल्होत्रा, अशोक गहलोत, भूपेश बघेल पनि बिहेमा सहभागी भएका छन् ।
