दाङ, असोज ९ । काठमाडौंबाट सुर्खेत जाँदै गरेको यात्रुवाहक रात्रिबस पूर्वपश्चिम राजमार्गअन्तर्गत दाङ, लमही नगरपालिका–९ शिवखोलामा दुर्घटना हुँदा २५ जनाभन्दा बढी यात्रु घाइते भएका छन् ।

कर्णाली प्रदेश०२–००१ ख ०३६२ नम्बरको यात्रुवाहक बस बिहान दुर्घटना भएको र घाइते याुत्रहरूको लमही अस्पतालमा उपचार भइरहेको जिल्ला प्रहरी कार्यालय दाङका प्रहरी उपरीक्षक रामबहादुर केसीले बताउनुभयो ।

घाइतेहरुको उद्दार गरेर उपचारको लागि लमही अस्पताल पठाइएको छ । घाइते मध्ये एकजनाको अवस्था गम्भीर रहेको छ, उनलाई थप उपचारका लागि कोहलपुर पठाइएको केसीले बताउनुभयो । बसमा ४५ जना यात्रु सवार थिए । दुर्घटना के कति कारणले भयो भन्ने अनुसन्धान भइरहेको प्रहरीले जनाएको छ ।