काठमाडौं, असोज ११ । आज नेपाली बजारमा सुनको भाउ ह्वात्तै घटेको छ । बुधबार प्रतितोला १ लाख ११ हजार रुपैयाँमा कारोबार भएको छापावाल सुन आज १४ सय रुपैयाँले घटेर १ लाख ९ हजार ६ सय रुपैयाँमा कारोबार भइरहेको छ ।

आज तेजावी सुन प्रति तोला एक हजार ३ सय ५० रुपैयाँले घटेर १ लाख ९ हजार १ सय रुपैयाँमा कारोबार भईरहेको छ । महासङ्घका अनुसार आज छापावाल सुनको भाउ प्रति १० ग्राम ९३ हजार ९ सय ६५ रुपैयाँ, १० ग्राम तेजावी सुनको भाउ ९३ हजार ५ सय ३५ रुपैयाँ कायम रहेको छ ।

 त्यस्तै चाँदी आज तोलामा १५ रुपैयाँले घटेर १ हजार ३ सय ७० रुपैयाँमा कारोबार भइरहेको महासंघले जनाएको छ ।