काठमाडौं, असोज ११ । आज बिहीवार वसन्तपुरमा इन्द्रजात्रा हेर्न राष्ट्रपति पौडेललगायतका उच्चपदस्थ व्यक्तिहरू जुद्ध सालिकबाट हिँडेर गएका छन् ।

राष्ट्रपति लगायत उपराष्ट्रपति तथा अन्य राजनीतिक व्यक्तित्वहरुसँगै काठमाडौँ महानगरपालिकाका मेयर बालेन शाह पनि हिँडेर वसन्तपुर गएका हुन् । काठमाडौं महानगरपालिकाले हनुमानढोका परिसरभित्र सवारी साधन निषेध गरेपछि भीभीआईहरू हिँडेरै इन्द्रजात्रा हेर्न पुगेका हुन्।