इन्द्रजात्रा हेर्न गएका किशोरको न्युरोडमा हत्या, दुई जना पक्राउ
काठमाडौं, असोज १६ । काठमाडौंको न्यूरोड मखन गल्लीस्थित सानो पशुपतिमा इन्द्रजात्रा हेर्न गएका किशोरको हत्या भएको छ ।
क्षेत्रपाटी बस्ने ओखलढुंगा लिखु गाउँपालिका–४ घर भएका सनी कार्कीको हत्या भएको हो । १७ वर्षीय कार्कीमाथि धारिलो हतियार प्रहार भएको थियो ।
हतियार प्रहारबाट गम्भीर घाइते भएका कार्कीको उपचारको क्रममा त्रिवि शिक्षण अस्पताल महाराजगञ्जमा मृत्यु भएको जिल्ला प्रहरी परिसर काठमाडौँका प्रहरीले बताए । शुरुमा ट्रमा सेन्टरमा भर्ना गरिएको र त्यहाँबाट उनलाई शिक्षण अस्पतालमा रिफर गरिएको थियो ।
उक्त हत्यामा संलग्न आरोपमा दुई जनालाई पक्राउ गरिएको छ।
प्रकाशित मिति: मंगलबार, असोज १६, २०८० १३:०३
प्रतिक्रिया दिनुहोस्
साताको लोकप्रीय
