काठमाडौं, असोज २६ । एमसीसी परियोजनाअन्तर्गत नेपालका सबै प्रसारण लाइन परियोजनाका ठेक्का रद्द भएका छन् ।

एमसीसी परियोजना अन्तर्गत मिलेनियम च्यालेन्ज एकाउन्ट (एमसीए) नेपालले प्रसारण लाइन परियोजना सम्बन्धि सबै ठेक्का रद्द गरिएको जानकारी दिएको हो।

लागत अनुमानभन्दा अस्वाभाविक बढी रकम राखेर टेण्डर आह्वान भएपछि कार्यान्वयन निकाय एमसीएले ठेक्का रद्द गरेको हो । एमसीए नेपालकाअनुसार उच्च लागतमा ठेक्का परेपछि नयाँ टेण्डर खुलाउने गरि पुरानो ठेक्कालाई रद्द गरिएको छ ।

यी ठेक्काहरुमा लागत अनुमानको तुलनामा बोलपत्रदाताहरुले अत्यधिक उच्च लागत प्रस्ताव गरेपछि ठेक्का रद्द गरिएको एमसीए नेपालले जनाएको छ । अब प्रसारण लाइन परियोजनाको फेरि टेन्डर आह्वान हुने छ ।