यूरोप, असार १०। स्लोभाकियामाथि पाँच सुन्य गोलको शानदार जित पार्दै स्पेन युरो कपको अन्तिम १६ प्रवेश गरेको छ ।

सेभियामा भएको खेलमा घरेलु टोली स्पेनले पहिलो हाफमै दुई सुन्य गोलको अग्रता बनाएको थियो । सूरुवात देखि नै आक्रमक देखिएको स्पेनका लागि पाँचौँ मिनेटमा अल्भारो मोरोटाले गरेको प्रहार मार्टिन डिब्राप्काले बिफल बनाइदिनुभयो । ११ औँ मिनेटमा स्लोभाकियाका जेकुब रोमोडाले कोकेमाथि फउल गरेपछि पाएको पेनाल्टीमा मोराटा, गोल गर्न असफल हुनुभयो । उहाँले गर्नुभएको प्रहार डिब्राप्काले उत्कृष्ट डाइभिङ गरि बचाउनु भएको हो । १९ औँ र २० औँ मिनेटमा पेद्रीले स्पेनलाई अग्रता दिलाउने मौका गुमाउनु भयो ।

३० औँ मिनेटमा स्पेनले उपहार गोल मार्फत अग्रता बनायो । साराबियाले झण्डै ३० यार्ड टाँढाबाट गर्नुभएको प्रहार टप बारमा लागेर माथि उडेको थियो । जसलाई क्लियर गर्न खोज्दा उहाँले आफ्नो पोष्टमा गोल गर्नुभएको हो । त्यसपछि जिराड मोरेनोले दिनुभएको पासमा एमेरिक लापोर्टले गोल गरि स्पेनको अग्रतालाई दोब्बर बनाउनु भयो । ५६ औँ मिनेटमा पाब्लो साराभियाले डिबक्स नजिकैबाट गोल गरि स्पेनलाई तीन सुन्यले अघि राख्नु भयो । जोर्डि अल्बाले दिनुभयो क्रसमा उहाँले गोल गर्नुभयो थियो ।

६६ औँ मिनेटमा साराबियाले दिनुभएको पासमा वैकल्पिक खेलाडी फेरान टोरेसले गोल गर्नुभयो । उहाँले मैदान छिरेको मात्र एक मिनेटमा पहिलो टचमै गोल गर्नुभएको हो । ७१ औँ मिनेटमा स्लोभाकियाले अर्को आत्मघाती गोल गर्यो । बक्स भित्र टोरेसले गर्नुभएको हेडर प्रहारलाई क्लियर गर्न खोज्दा येहाइ कोज्काले आफ्नै पोष्टमा गोल गर्न पुग्नु भएपछि स्पेनले पाँच गोलको शानदार जित हात पारेको हो । युरोकपमा स्पेन यति ठुलो अन्तरको जित हात पारेको पहिलो पटक हो । यो जित पछि पाँच अंक बनाएको स्पेन समुहको उपबिजेता बन्दै अन्तिम १६ मा प्रवेश गरेको छ । यता स्लोभाकिया भने प्रतियोगिताबाट बाहिरिएको छ ।