काठमाडौं, असोज २९ । आज बजारमा सुनको भाउ घटेको छ  । हिजो तोलामा झण्डै तीन हजार रुपैयाँले बढेको सुनको भाउ आज सात सय रुपैयाँले घटेको हो ।

सुनको भाउ आज तोलामा १ लाख १२ हजार तीन सय रुपैयाँमा झरेको नेपाल सुन चाँदी व्यवसायी महासङ्घले जनाएको छ । हिजो तोलामा एक लाख १३ हजार रुपैयाँमा कारोबार भएको थियो ।

आज चाँदीको भाउ भने स्थिर छ । चाँदी हिजो जस्तै आज पनि तोलाको एक हजार तीन सय ९० रुपैयाँमा कारोबार भइरहेको छ ।