काठमाडौं, असोज २९ । पठाओ र इनड्राईभको नाममा अफलाईन ड्राईभ गर्ने ८३ जना व्यक्तिहरु नियन्त्रणमा परेका छन् ।

यही असोज २८ गते काठमाण्डौका विभिन्न स्थानहरुबाट अनधिकृत तवरले सर्वसाधारणहरुलाई ओसारपसार गर्ने क्रियाकलापमा संलग्न ८३ जना व्यक्तिहरुलाई नियन्त्रणमा लिई आवश्यक कारबाही गरिएको छ ।

विगतका केही आपराधिक घटनाहरुमा यस्ता सवारीहरुको संलग्नता देखिएको र सुरक्षा संवेदनशीलताको दृष्टिबाट सदैव जोखिम सृजना हुने भएको कारणले अफलाईन राईड सेयरिङ गर्ने तर्फ सचेत रहन सम्पूर्ण सरोकारवालाहरु  तथा आम सर्वसाधारणहरुमा जिल्ला प्रहरी परिसर, काठमाण्डौ हार्दिक अनुरोध गरेको छ ।