विश्वकप छनौटमा आज नेपाल र लाओसबिच खेल हुँदै
काठमाडौं, असोज ३०। नेपालले विश्वकप छनोट प्रारम्भिक चरणको दोस्रो लेगमा आज लाओससँग खेल्दैछ । खेल लाओसको घरेलु मैदानमा नेपाली समय अनुसार साँझ पौने ६ बजे सुरु हुनेछ।
यस अघि गत बिहीबार दशरथ रंगशालामा भएको पहिलो लेगमा १–१ गोलको बराबरी खेल्दै नेपाल हारबाट जोगिएको थियो। दोस्रो चरणमा पुग्न नेपालमाथि जित हात पार्नुपर्ने दवाव छ ।
आजको खेलमा यदि निर्धारित समयको खेल बराबरीमा टुंगिए, अतिरिक्त ३० मिनेट खेलाइनेछ । यदि थप गरिएको समयमा पनि विजेताको टुंगो नलागेको खण्डमा पेनाल्टी सुटआउटबाट विजेता चयन हुनेछ । कान्तिपुर टिभीले आजको खेलको प्रत्यक्ष प्रसारण गर्नेछ।
प्रकाशित मिति: मंगलबार, असोज ३०, २०८० १०:२१
प्रतिक्रिया दिनुहोस्
थप खेलकुद
साताको लोकप्रीय
