त्रिदेशीय टी-२० अन्तर्राष्ट्रिय क्रिकेटमा नेपालले टस जितेर बलिङ गर्दै
काठमाडौं, कात्तिक १ । त्रिदेशीय टी-२० अन्तर्राष्ट्रिय क्रिकेट शृङ्खलाअन्तर्गत यूएईसँगको खेलमा नेपालले सुरुमा फिल्डिङ गर्ने भएको छ । मुलपानी क्रिकेट मैदानमा नेपालले टस जितेर फिल्डिङ गर्ने निर्णय गरेको हो ।
नेपाल क्रिकेट सङ्घ (क्यान) को आयोजनामा त्रिदेशीय टी-२० शृङ्खला आज बुधवारदेखि शुरु भएको हो । टी-२० अन्तर्राष्ट्रिय क्रिकेट विश्वकप छनोटको तयारीस्वरूप नेपालले प्रतियोगिता आयोजना गरेको हो । नेपालको टोलीबाट लेग स्पिनर मौसम ढकालले डेब्यू गर्ने भएका छन् ।
नेपालले कात्तिक २ गते हङकङसँग, कात्तिक ४ गते फेरि हङकङसँग र कात्तिक ६ गते युएईसँग खेल्नेछ । युएई र हङकङबीच भने कात्तिक ५ र ८ गते प्रतिस्पर्धा हुनेछ।
प्रकाशित मिति: बुधबार, कात्तिक १, २०८० १३:४३
प्रतिक्रिया दिनुहोस्
थप खेलकुद
साताको लोकप्रीय
