काठमाडौं, कात्तिक १ ।  काठमाडौंबाट सालकको खपेटा सहित एक जना पक्राउ परेका छन्। 

टोखा नगरपालिका वडा नम्बर ६ स्थित न्यू खुकुरी फुड फ्याफेबाट सालकको खपेटा सहित एक जनालाई प्रहरीले पक्राउ गरेको हो। 

टोखा ग्रिनल्यान्ड बस्ने झापाकी ३१ वर्षीया सुष्मा गुरूङलाई ९३० ग्रामको खपेटा सहित प्रहरीले पक्राउ गरेको हो। सालकको खपेटा बिक्री भइरहेको भन्ने सूचना प्रहरीले पाएको थियो। 

उक्त सूचनाको आधारमा खटिएको प्रहरी वृत्त महाराजगञ्जको टोलीले गुरूङलाई पक्राउ गरेको हो। घटनाको थप अनुसन्‍धान वृत्तले गरिरहेको छ।