त्रिकोणात्मक टी-२० क्रिकेटः टस जितेर नेपालले बलिङ रोज्यो
काठमाडौं, कात्तिक २ । त्रिकोणात्मक टि-२०आई सिरिजको दोस्रो खेलमा आज घरेलु टोली नेपालले टस जितेर हङकङलाई पहिले ब्याटिङको निम्तो दिएको छ।
माथिल्लो मुलपानी क्रिकेट मैदानमा नेपालका कप्तान रोहित पौडेलले टस जितेर पहिला फिल्डिङ गर्ने निर्णय लिएका हुन् । नेपालले आजको खेलमा कुनैपनि खेलाडी परिवर्तन गरेको छैन ।
पहिलो खेलमा यूएईलाई ७ विकेटले हराएको नेपाल दोस्रो खेलका लागि हङकङसँग प्रतिस्पर्धामा उत्रन लागेको हो । आईसीसी विश्वकप टी २० एसिया छनोटको तयारीका लागि नेपालले यो खेल खेलिरहेको हो । आजको खेलमा नेपाल लगातार दोस्रो जितको सोचमा हुनेछ ।
टी २० आई सिरिजका पछिल्ला ५ खेलमा मध्ये ४ खेलमा जित हासिल गरेको नेपालले अहिलेसम्म एक खेलमा मात्रै पराजय भोग्नु परेको छ ।
प्रकाशित मिति: बिहीबार, कात्तिक २, २०८० ११:०४
प्रतिक्रिया दिनुहोस्
थप खेलकुद
-1732534868.JPG)
साताको लोकप्रीय
