एसीसी यू-१९ कप - साउदीलाई हराउँदै नेपाल एसीसी यू-१९ प्रिमियर कपको सेमिफाइनलमा
काठमाडौं, कात्तिक २ । नेपालले मलेसियामा जारी एसिसी यू-१९ प्रिमियर कपमा साउदी अरेवियालाई ३ सय १ रनको फराकिलो अन्तरले हराउँदै सेमिफाइनलमा स्थान बनाएको छ ।
३४८ रनको विशाल लक्ष्य पछ्याएको साउदी अरब १९.१ ओभरमा ४६ रन बनाएर अलआउट भएपछि नेपालले फराकिलो जित हात पारेको हो । नेपाल समूह ए मा ३ खेलमा अपराजित रहँदै शीर्षस्थानमा रहेर सेमिफाइनलमा पुगेको हो ।
साउदीका एक खेलाडीले मात्र दोहोरो अंकका रन बनाउन सके । साउदीका बरुण साराभानान् मुढालियरले ११ रन जोडे भने मुहम्मद घायोर अहम्मद ९ रनमा हविजित रहे ।
साउदीलाई सस्तैमा समेट्न नेपालका दिपेश कँडेल एक्लैले पाँच विकेट लिए । उनले ९.१ ओभरमा १८ रन खर्चेर ६ विकेट लिएका हुन् । त्यस्तै आकाश चन्दले दुई तथा सुवास भण्डारीले एक विकेट लिए ।
प्रकाशित मिति: बिहीबार, कात्तिक २, २०८० १३:१३
प्रतिक्रिया दिनुहोस्
थप खेलकुद
साताको लोकप्रीय
