काठमाडौं, कात्तिक ३ । सुनको मूल्यले आज पुनः नयाँ रेकर्ड कायम गरेको छ । यसअघि हिजो तोलाको १ लाख १३ हजार ७ सय रुपैयाँ पुगेको थियो । 

हिजो बिहीबार हालसम्मकै उच्च प्रतितोला १ लाख १३ हजार ७ सय रूपैयाँमा कारोबार भएको सुनकाे मूल्य  प्रतितोला एक लाख १५ हजार ५ सय रुपैयाँ पुगेर पुनः नयाँ रेकर्ड बनाएकाे हाे । आज सुनको मूल्य तोलामा ८ सय रूपैयाँले बढेको छ ।

त्यस्तै, तेजाबी सुन प्रतितोला १ लाख १४ हजार ९५० रूपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ ।

आज चाँदीको भाउ पनि बढेको छ । आज चाँदीको मूल्य १ हजार ४ सय रूपैयाँ कायम भएको छ । अन्तर्राष्ट्रिय बजारमा सुनको कारोबार अस्थिर बनेकोले भाउ अझै बढ्न सक्ने अनुमान गरिएको छ ।