काठमाडौं, बैशाख ३ । स्लाभिया प्रागमाथि पाँच एक गोलको शानदार जित हात पार्दै आर्सनल युरोपा लिगको सेमीफाइनलमा प्रवेश गरेको छ ।

गएराती भएको क्वाटफाइनलको दोस्रो लेगमा आर्सनलले प्रागलाई उसैको मैदानमा चार सुन्य गोलले पराजित गरेको हो । पहिलो लेग भने एक एक गोलको बराबरीमा रोकिएको थियो ।

खेलको पहिलो २४ मिनेटमा नै आर्सनलले तीन गोल गरेको थियो  । १८ औँ मिनेटमा निकोलास पेपले पोष्ट नजिकैबाट गोल गरे । २१ आँै मिनेटमा एलेक्जान्द्रे लाकाजेटीले पेनाल्टीमाफर्त गोल गरि आर्सनलको अग्रतालाई दोब्बर बनाए । बुकायो साकालाई डि एरियामा फउल गरेपछि पाएको पेनाल्टीलाई उनले सदुपयोग गरेका हुन् ।

त्यसको तीन मिनेटमा साका आफैले गोल थपे । दोस्रो हाफमा आर्सनलले एक गोल थप्यो । ७७ औँ मिनेटमा लाकाजेटीले टिमका  लागि चौथो र व्यक्तिगत दोसा्रे गोल गरि आर्सनलको समग्रमा पाँच एक को जित सुनिश्चीत बनाए । अब फाइनल प्रवेशका लागि आर्सनलले स्पेनिस क्लब भिल्ला रियालसँग प्रतिस्पर्धा गर्नेछ ।

यता अर्को इंग्लीस क्लब म्यान्चेष्टर युनाइटेडले रोमासँग प्रतिस्पर्धा गर्नेछ । ओले गुनार सोल्जकरको टिम युनाइटेडले ग्रानाडामाथि समग्रमा चार सुन्य गोलको सहज जित हात पार्दै सेमीफाइनलमा प्रवेश गरेको हो ।

पहिलो लेगमा दुइ सुन्यको अग्रता बनाएको युनाइटेडले दोस्रो लेगमा पनि दुइ सुन्य गोलको जित हात पार्यो । खेलको छैठौँ मिनेटमा युनाइटेडका लागि इडिसन कभानी गोल गरे । ९० औँ मिनेटमा भालेजोले गरेको आत्मघाती गोलमा युनाइटेडले दुइ सुन्य गोलको जित सुनिश्चित बनाएको हो ।