काठमाडौं, कात्तिक १४ । आइसिसी टि २० विश्वकप एसिया क्षेत्र फाइनल छनोटमा नेपालले लगातार दोस्रो जित हात पारेको छ ।
आज मङ्गलवार भएको खेलमा मलेसियामाथि ६ विकेटको सानदार जितका साथ सेमिफाइनलमा स्थान बनाएको छ । समूह ए बाट नेपाल र ओमानले सेमिफाइनलमा स्थान बनाएका हुन् । समान चार अंक भएपनि नेपाल नेटरनरेटका कारण शीर्षस्थानमा छ ।
मलेसियाले दिएको १ सय ६६ रनको लक्ष्य नेपालले १८ ओभरमा ४ विकेट गुमाएर भेटायो । नेपालका कुशल मल्लले अर्धशतक बनाए । मल्ल ३४ बलमा ७ छक्का र २ चौका प्रहार गर्दै ६५ रन बनाएर आउट भए । यस्तै कुशल भुर्तेल ४३ र आसिफ शेख ३२ रन बनाएर आउट भए ।
मलेसियाका सइद अजिजले सर्वाधिक ६८ रन बनाए । बलिङतर्फ नेपालका अबिनाश बोहराले ४ तथा सन्दीप लामिछाने, गुलसन झा र कप्तान रोहित पौडेलले समान १ विकेट लिए ।
लगातार दोस्रो जितसँगै नेपालले सेमिफाइनलको सम्भावना सहज बनाएको छ । पहिलो खेलमा नेपालले हिजो सोमवार सिङ्गापुरलाई ८ विकेटले हराएको थियो । अब नेपालले बिहीबार ओमानसँग खेल्नेछ । बिहीबार हुने खेलबाट समूह विजेताको टुंगो लाग्नेछ।
