काठमाडौं, कात्तिक २१ ।  कात्तिक कृष्ण त्रयोदशीमा मनाइने धनतेरस पर्वको दिनलाई कुबेरको दिनका रुपमा पनि मानिन्छ ।  धनतेरसका दिन सुन, चाँदी तथा पित्तलका भाँडाकुडा किनमेल गर्ने परम्परा छ ।

यस वर्ष धनतेरस पर्व कात्तिक २४ गते शुक्रबार परेको छ । शुक्रबारको दिन धनतेरस मनाउनु धेरै शुभ र फलदायी हुन्छ किनभने यस दिन हामी धन र समृद्धिकी देवी लक्ष्मीको पूजा गर्छौं । धनतेरसको दिन सुन, चाँदी तथा पित्तल आदि किन्दा धन सम्पत्ति बढ्छ भन्ने जनविश्वास छ । तर के तपाईलाई थाहा छ हामी किन धनतेरसमा सुन र चाँदीका सामान, गहना आदि किन्छौं ?

धनतेरसको दिन सुन, चाँदी आदि किन्दा धन सम्पत्ति बढ्छ भन्ने जनविश्वास छ । पौराणिक मान्यता अनुसार सागर मन्थनको समयमा भगवान धन्वन्तरीको जन्म हातमा अमृत कलश लिएर प्रकट भएको थियो । उनलाई माता लक्ष्मीको भाइ भनिन्छ । भगवान धन्वन्तरीलाई पहेँलो रङ र चाँदीको धातु मनपर्ने भएकाले धनतेरसका दिन मानिसहरूले सुन र चाँदी किन्छन् । भगवान धन्वन्तरी देवताका वैद्य हुन्, उहाँको आशीर्वादले सुख, समृद्धि र आयु वृद्धि हुन्छ भन्ने विश्वास छ ।

धनतेरसमा सुन र पीतल किन्दा कस्तो लाभ हुन्छ ?

• धनतेरसमा सुन, पीतल आदि खरिद गर्दा धन र समृद्धि बढ्छ।
• धनतेरसको दिन सुन वा काँसा किन्दा भगवान धन्वन्तरीलाई प्रसन्न तुल्याउँछ र उहाँको कृपाले राम्रो स्वास्थ्य प्राप्त गर्दछ।
• भगवान धन्वन्तरीको आशीर्वादले आयु बढ्छ।
• धनतेरसमा सुनका गहना किन्नु शुभ मानिन्छ। यसको प्रभावले एसिड हट्छ।