काठमाडौं, मंसिर १ ।  सुनको भाउ आज शुक्रवार एकै दिन २ हजार ३ सय रुपैयाँले बढेर तोलामा १ लाख १५ हजार ५ सय रुपैयाँमा पुगेको छ ।

गएको सोमवार सुनको भाउ तोलामा १ लाख १३ हजार २ सय रुपैयाँ थियो । मङ्गलवार, बुधवार र हिजो बिहीवार तिहार बिदामा सुन चाँदीको मूल्य तोकिएको थिएन । नेपाल सुन चाँदी व्यवसायी महासङ्घले लक्ष्मी पूजाको भोलिपल्ट २७ गते भाउ तोके पछि आज बल्ल बजार खुलेको हो ।

यस्तै चाँदी तोलाको २ हजार ४ सय ५० रुपैयाँ रहेको महासङ्घले जनाएको छ । महासङ्घले अन्तराष्ट्रिय बजार मूल्य अनुसार नेपालमा भाउ तोक्दै आएको छ ।