टिकटक प्रतिबन्धविरुद्ध परेको रिटमा आज सुनुवाइ हुँदै
काठमाडौं, मंसिर ४ । नेपालमा टिकटक प्रतिबन्ध लगाउने सरकारको निर्णयविरुद्ध सर्वोच्च अदालतमा परेका रिटमाथि आज सुनुवाइ हुँदैछ ।
गत शुक्रबार सर्वोच्चमा परेका दश रिटमाथि आज सुनुवाइ हुन लागेको हो । वरिष्ठ अधिवक्ता दिनेश त्रिपाठी प्रतिबन्ध लगाउने सरकारी निर्णय बदरको माग गर्दै रिट निवेदन लिएर सर्वोच्च पुगेका थिए ।
सामाजिक सद्भाव बिगारेको भन्दै गत कात्तिक २७ गतेको मन्त्रिपरिषद बैठकले टिकटक प्रतिबन्ध गर्ने निर्णय गरेको थियो । उक्त निर्णयपछि नेपालका अधिकांश इन्टरनेट सेवा प्रदायकले टिकटक नचल्ने बनाएका छन् ।
दायर गरिएको निवेदनमा सरकारको उक्त निर्णयले वाकस्वतन्त्रतामाथि प्रहार भएको भन्दै निर्णय खारेज गर्न माग गरिएको छ ।
प्रकाशित मिति: सोमबार, मंसिर ४, २०८० ११:३०
प्रतिक्रिया दिनुहोस्
-1732858707.jpeg)
साताको लोकप्रीय
-1732858707.jpeg)
