काठमाडौं, मंसिर ७ । बल्खुमा प्रहरीले दुर्गा प्रसाईंको समूहमाथि अश्रुग्यास प्रहार गरेको छ ।

प्रसाईंका समर्थक त्यहाँबाट माइतीघर जाने भन्दै कालीमाटीतर्फ प्रवेश गरेपछि प्रहरीले आधा दर्जन अश्रुग्यास र पानीको फोहोरा प्रहार गरिएको प्रहरीले जनाएको छ ।

अश्रुग्यास प्रहार भएपछि प्रदर्शनकारीहरू तितरबितर भएर भागदौड भएको छ । आज बल्खुमा दुर्गा प्रसाईं नेतृत्वको  ‘राष्ट्र, राष्ट्रियता, धर्म, संस्कृति र नागरिक बचाऊँ महाअभियान’ ले प्रदर्शन गरिरहेको छ ।

यस्तै, बल्खुमा दुर्गा प्रसाईं र युवा संघबीच झडप भएपछि उपत्यका प्रहरी कार्यालयले तीनकुने र बल्खुमा जामर भेहिकल सञ्चालन गरेको छ । जामर प्रबिधिले मोबाइल नेटवर्कको सम्पर्क विच्छेद गराउँछ।