काठमाडौं, मंसिर ८ । पूर्व राजा ज्ञानेन्द्र शाह शुक्रवार झापा प्रस्थान गरेका छन् । बिर्तामोडस्थित ई कम कलेजमा स्थापना गरिएको पृथ्वीनारायण शाहको सालिक अनावरणका लागि झापा गएका हुन् ।

झापामा बिर्तामोडको पञ्चकन्यास्थित इकम कलेजको उद्घाटन तथा पृथ्वी नारायण शाहको सालिक अनावरण गर्ने कार्यक्रम रहेको छ । यो कार्यक्रमका क्रममा राजावादीहरूले शक्ति प्रदर्शन समेत गर्न लागेका छन् ।

पूर्व राजा ज्ञानेन्द्र धुलाबारीस्थित मेची रिसोर्टमा बस्ने कार्यक्रम रहेको छ। भोलि धुलाबारीस्थित निम्जा खोलाबाट उनको स्वागत र्‍याली सुरु हुनेछ। उक्त र्‍यालीमा उनी पनि सहभागी हुने कार्यक्रम छ।

पूर्व राजा ज्ञानेन्द्र समेत सहभागी हुने उक्त र्‍यालीलाई करिब ८ हजार मोटरसाइकले स्कर्टीङ गरेर धुलाबारीबाट बिर्तामोड पुर्‍याउने कार्यक्रम रहेको प्रवक्ता श्रेष्ठले जानकारी दिए ।

पूर्वराजाको भ्रमण व्यवस्थापन गर्न राप्रपाका अध्यक्ष राजेन्द्र लिङदेन एकसातादेखि झापामै छन्। अध्यक्ष लिङदेन पूर्वराजाको कार्यक्रम व्यवस्थापन र तयारी गरिरहेको राप्रपा झापाबाट थाहा भएको छ।