बर्दियामा आगलागी हुँदा तीन बालबालिकासहित चार जनाको मृत्यु
बर्दिया, मंसिर ९ । बर्दियाको गुलरिया नगरपालिका वडा न. ४ तुलापुरस्थित एक घरमा आगलागी हुँदा चार जनाको मृत्यु भएको छ ।
शुक्रबार राति करिब १० बजेको समयमा घरमा आगलागी हुँदा चार जनाको मृत्यु भएको र एक जना घाइते रहेको जिल्ला प्रहरी कार्यालय बर्दियाले बताएको छ ।
मृत्यु हुनेमा करिब १८ महिनाका कार्तिक चन्द, ७ बर्षिय क्रिस चन्द, १० बर्षिय मानसिङ बुढा ३२ बर्षिय राधा बुढाको मृत्यु भएको बर्दिया प्रहरीले जानकारी दिएको छ । आगलागिमा परि २८ बर्षिय करिस्मा चन्द घाइते भएको प्रहरीले बताएको छ ।
राति करिव १० बजे आगलागी भएको खबर स्थानियले प्रहरीलाई जानकारी गाएका थिए । जाडो छल्न घरभित्र आगो बालेका कारण निस्सासिएर मृत्यु भएको प्रहरीले बताएको छ ।
प्रकाशित मिति: शनिबार, मंसिर ९, २०८० ०७:५३
प्रतिक्रिया दिनुहोस्
साताको लोकप्रीय
