काठमाडौं, मंसिर १० । ललितपुरको महालक्ष्मी नगरपालिका–२ इमाडोलस्थित अनिल आचार्य र रमेश भुषालको एआर टिम्वा सिरक कारखानामा करेन्ट सर्ट भई शनिबार दिउँसो आगलागी हुँदा कपास फिट्ने मेसिन २ थान लगायत विभिन्न कपडाहरू जलेर ७ लाख १० हजार रूपैयाँ बराबरको धनमाल नष्ट भएको छ ।

यसैगरी ललितपुरको ललितपुर महानगरपालिका–१४ नख्खुडोलस्थित काभ्रे बथानचोक गाउँपालिका–४ घर भएकी ३६ वर्षीया निर्मला तामाङको तरकारी पसलमा विद्युत सर्ट भई गएराति आगलागी हुँदा पसल पूर्णरूपमा जलेर करिब २ लाख २५ हजार रूपैयाँ बराबरको धनमाल नष्ट भएको छ ।