भक्तपुर, मंसिर १२ । भक्तपुर नगरपालिका-८ च्यामासिंह डेरा गरी बस्ने सिन्धुली झागाझुली रातमाटे गाउँपालिका-४ घर भएका ३९ वर्षीय उद्धव श्रेष्ठ आफ्नै कोठामा सोमबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।

यस्तै, सिन्धुपाल्चोक इन्द्रावती गाउँपालिका-१ भष्मेस्थित आलपाङ खोलाको किनारमा हाल नाम, थर, वतन नखुलेका अन्दाजी ४२ वर्षीय पुरूष सोमबार मृत अवस्थामा फेला परेका छन् ।

आगलागीबाट ९ लाख रूपैयाँ बराबरको धनमाल जलेर नष्ट
काभ्रेको धुलिखेल नगरपालिका–११ बाँनियाछाप बस्ने बलराम धिमालको घरमा मंगलबार बिहान आगलागी हुँदा उक्त आगो फैलिएर नजिकै रहेको गोठमा समेत आगलागी हुँदा घर र गोठ पूर्णरूपमा जलेर करिब ९ लाख रूपैयाँ बराबरको धनमाल नष्ट भएको छ ।