काठमाडौं, मंसिर १२ । राष्ट्रिय स्वतन्त्र पार्टी (रास्वपा) ले डा. स्वर्णिम वाग्लेलाई उपसभापति बनाउने तयारी गरेको छ । महोत्तरीको जलेश्वरमा अहिले जारी केन्द्रीय समिति र संसदीय दलको संयुक्त बैठकमै उनलाई उपसभापति बनाउने तयारी गरेको रास्वपा स्रोतले बताएको छ।

रास्वपाको विधानमा दुई उपसभापति रहने व्यवस्था भए अनुसार उनलाई नै उनलाई उपसभापतिमा चयन गर्ने तयारी भएको स्रोतले बतायो । अहिले रास्वपामा सांसद डोलप्रसाद अर्याल (डिपी) उपसभापति छन् । वैशाख १० को उपनिर्वाचनमा तनहुँ–१ बाट निर्वाचित सांसद वाग्ले रास्वपाका अर्थ विभाग प्रमुख समेत हुन् ।