आज काठमाडौंमा दिनभर बदली रहने, कोशी प्रदेश र तराईका १-२ ठाउँमा फाट्टफुट्ट वर्षा
केही ठाउँमा घाम लागे पनि फेरि बादल लाग्ने उहाँको भनाइ छ । उहाँका अनुसार आज राति देखि भने मौसममा क्रमिक सुधार आउने सम्भावना छ । आज भन्दा भोलिको मौसम खुल्ने मौसमविद्को भनाइ छ
काठमाडौं, मंसिर २१ । काठमाडौं उपत्यका सहित देशका धेरै ठाउँको मौसम बिहानै देखि धुम्म छ । आज दिनभरी नै मौसम यस्तै रहने सम्भावना रहेको मौसमविद् नगरकोटीले बताउनुभयो । उहाँका अनुसार पश्चिमी वायुसँगै भारतको छत्तिसगढमा बनेको न्यून चापीय क्षेत्रको प्रभावका कारण मौसम धुम्म भएको हो ।
आज बिहान कोशी प्रदेश र तराईका १-२ ठाउँमा फाट्टफुट्ट पानी परेको छ । मौसमविद् गंगा नगरकोटीका अनुसार बिहान यी क्षेत्रका १-२ ठाउँमा फाट्टफुट्ट पानी परेको हो । अन्य क्षेत्रमा भने बादल लागे पनि पानी परेको छैन ।
केही ठाउँमा घाम लागे पनि फेरि बादल लाग्ने उहाँको भनाइ छ । उहाँका अनुसार आज राति देखि भने मौसममा क्रमिक सुधार आउने सम्भावना छ । आज भन्दा भोलिको मौसम खुल्ने मौसमविद्को भनाइ छ ।
प्रकाशित मिति: बिहीबार, मंसिर २१, २०८० १३:२०
प्रतिक्रिया दिनुहोस्
थप समाज दर्पण
साताको लोकप्रीय
