१८० चिनियाँ नागरिकलाई देश निकाला गर्यो फिलिपिन्सले
गएको अक्टोबरमा छापा मारेर चिनियाँ सहित कोरियाली, भियतनामी र फिलिपिनो गरी ६ सय जना पक्राउ परेका थिए । यौन व्यवसायमा संलग्न केही महिलाको उद्धार समेत गरिएको थियो
मनिला, मंसिर २८ । फिलिपिन्सले राजधानी मनिलामा पक्राउ परेका १८० जना चिनियाँलाई देश निकाला गरेको छ । उनीहरू मनिलामा अवैध धन्दा र अनलाइन घोटालाको आशङ्कामा पक्राउ परेका थिए ।
गएको अक्टोबरमा छापा मारेर चिनियाँ सहित कोरियाली, भियतनामी र फिलिपिनो गरी ६ सय जना पक्राउ परेका थिए । यौन व्यवसायमा संलग्न केही महिलाको उद्धार समेत गरिएको थियो ।
छापा मारेर पक्राउ परेका थप विदेशीलाई आउँदो हप्ता देश निकाला गर्ने त्यहाँको प्रहरीलाई उद्धृत गरी समाचार संस्थाले जनाएको छ ।
राष्ट्रपतिको सङ्गठित अपराध विरोधी आयोगका उपसचिव गिल्बर्टो क्रुजले पक्राउ परेका चिनियाँसँग कुनै पनि काम गर्ने अनुमति नरहेको पाइएको बताउनुभयो । एसिया प्रशान्त क्षेत्रमा इन्टरनेट घोटालाबारे अन्तर्राष्ट्रिय चिन्ता बढ्दो छ ।
प्रकाशित मिति: बिहीबार, मंसिर २८, २०८० १४:४२
प्रतिक्रिया दिनुहोस्
थप अन्तर्राष्ट्रिय
साताको लोकप्रीय
