लिबियामा ८६ जना आप्रवासी बोकेको पानीजहाज दुर्घटना हुँदा ६१ जना बेपत्ता, २५ जनाको उद्धार
भू-मध्य सागर हुँदै अफ्रिकाबाट युरोप जाने आप्रवासीका लागि लिबिया मुख्य केन्द्र हो । आईओएमका अनुसार यो बाटोबाट युरोप जाने क्रममा २ हजार २ सय जनाभन्दा धेरै मानिसले डुबेर ज्यान गुमाइसकेका छन्
जुवारा, पुस १ । लिबियामा पानीजहाज दुर्घटना हुँदा ६१ जना डुबेर हराएका छन् । ८६ जना आप्रवासी बोकेर लिबियाको तटीय सहर जुवाराबाट छुटेको जहाज समुद्रमा डुब्दा ६१ जना हराइरहेका संयुक्त राष्ट्रसङ्घीय निकाय अन्तर्राष्ट्रिय प्रवासन सङ्गठन
(आईओएम) लाई उद्धृत गर्दै बीबीसीले जनाएको छ ।
भू-मध्य सागर हुँदै अफ्रिकाबाट युरोप जाने आप्रवासीका लागि लिबिया मुख्य केन्द्र हो । आईओएमका अनुसार यो बाटोबाट युरोप जाने क्रममा २ हजार २ सय जनाभन्दा धेरै मानिसले डुबेर ज्यान गुमाइसकेका छन् । भूमध्य सागर पार गर्नका लागि सानो डुङ्गामा क्षमता भन्दा धेरै मानिस चढ्दा दुर्घटनाहरु धेरै हुने गरेका छन् ।
आईओएमका अनुसार यस वर्ष लिबिया हुँदै १ लाख ५३ हजार जनाभन्दा धेरै मानिस इटली पुगेका छन् ।
प्रकाशित मिति: आइतबार, पुस १, २०८० १५:३४
प्रतिक्रिया दिनुहोस्
थप अन्तर्राष्ट्रिय
साताको लोकप्रीय
