मौसम
घट्दै काठमाडौंको तापक्रम, आज वर्षकै चिसो
काठमाडौं, पुस ३ । चिसो बढेसँगै देशभरका विभिन्न ठाउँको तापक्रम घट्दै गइरहेको छ । तापक्रम घट्ने क्रममा आज मंगलबार यस वर्षकै सबैभन्दा कम तापक्रम भएको जल तथा मौसम विज्ञान विभागको मौसम पूर्वानुमान महाशाखाले जनाएको छ।
महाशाखाका अनुसार मंगलबार बिहान पौने ९ बजे काठमाडौंको तापक्रम ५.५ डिग्री सेल्सियस थियो । यो तापक्रम काठमाडौंमा यसवर्षकै सबैभन्दा कम मापन भएको हो । काठमाडौंमा आज दिउँसोको अधिकतम तापक्रम १७ देखि १९ डिग्री सेल्सियसबीच रहने महाशाखाले जनाएको छ।
देशभरिको तापक्रम घट्ने क्रममा रहेकोले चिसोबाट बच्न आवश्यक सतर्कता अपनाउन महाशाखाले अनुरोध गरेको छ ।
प्रकाशित मिति: मंगलबार, पुस ३, २०८० १३:१५
प्रतिक्रिया दिनुहोस्
थप समाज दर्पण
साताको लोकप्रीय
