काठमाडौं, पुस १२ । अभिनेताबाट राजनीतिज्ञ बनेका साउथका सुपरस्टार विजयकान्तको बिहीबार कोरोना संक्रमणबाट निधन भएको छ ।

समाचार एजेन्सी पीटीआईले अस्पताल स्रोतलाई उद्धृत गर्दै यो जानकारी दिएको हो । उनलाई कोभिड पोजिटिभ देखिएको थियो र सास फेर्न गाह्रो भएपछि अस्पतालमा भर्ना गरिएको थियो ।

डीएमडीके पार्टीका संस्थापक विजयकान्त ७१ वर्षका थिए । सास फेर्न गाह्रो भएपछि उनलाई चेन्नईको एक निजी अस्पतालमा भेन्टिलेटरमा राखिएको थियो । उनले धेरै हिट फिल्महरु दिएका छन् । उनले १५४ वटा फिल्ममा अभिनय गरेका थिए ।

विजयकान्तको निधनले साउथ इन्डस्ट्री शोकमा डुबेको छ। प्रधानमन्त्री नरेन्द्र मोदी लगायत कलाकारहरुले विजयकान्तको निधनमा शोक व्यक्त गरेका छन् ।