ललितपुरका यि स्थानहरुमा आज बिजुली आपूर्ति ६ घण्टा बन्द हुने
ललितपुर, माघ ५ । ललितपुरका विभिन्न स्थानहरुमा आज बिजुली आपूर्ति ६ घण्टा बन्द हुने भएको छ ।
चापागाऊ फिडर पाटनले चिवहाल गेटदेखि सिमाको चोकसम्म चापागाँऊ फिडरको लाइनमा कम्पोजिट फिडर तान्ने कार्य गर्नुपर्ने भएकाले आज शुक्रबार बिहान १० बजेदेखि ४ बजेसम्म बिजुली आपूर्ति बन्द हुने नेपाल विद्युत् प्राधिकरणको लगनखेल वितरण केन्द्रले जनाएको छ ।
केन्द्रका अनुसार गोदावरी नगरपालिकाका वडा नम्बर ११, १२, १३, ५ र ६ तथा लेले, टीकाभैरव, नल्लु, चापागाउँ, टाखेल, ठेचो, झरुवारासी लगायतका ठाउँमा ६ घण्टासम्म बिजुली आपूर्ति बन्द हुनेछ ।
प्रकाशित मिति: शुक्रबार, माघ ५, २०८० ०९:५०
प्रतिक्रिया दिनुहोस्
साताको लोकप्रीय
