काठमाडौं, माघ ५ । आज सुनको मूल्य प्रतितोला ५ सय रुपैयाँले वृद्धि भएको छ । लगातार तीन दिनदेखि घटिरेहको सुनको मूल्य आज ५ सय रुपैयाँ बढेको छ।

अघिल्लो दिनको तुलनामा आज छापावाल सुन प्रतितोला १ लाख १८ हजार रूपैयाँमा कारोबार भइरहेको छ। यस्तै तेजाबी सुन प्रतितोला एक लाख १७ हजार चार सय ५० रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।

यसअघि बिहीवार छापावाल सुन प्रतितोला एक लाख १७ हजार पाँच सय रूपैयाँ र तेजाबी सुन प्रतितोला एक लाख १६ हजार नौ सय ५० रूपैयाँमा कारोबार भएको थियो।

आज चाँदीको मूल्य पनि ५ रुपैयाँले बढेको छ। बिहीबार १३ सय ९० रूपैयाँमा कारोबार भएको चाँदी आज प्रतितोला १३ सय ९५ रूपैयाँमा कारोबार भइरहेको छ।