भक्तपुर, माघ ५ । सशस्त्र प्रहरी बल (एपीएफ) की जवान पदमा कार्यरत बक्सिङ खेलाडी निता गोसाई आत्महत्या प्रकरणमा पक्राउ परेका युवक भक्तपुर नगरपालिका–९ घर भएका ३० वर्षीय दिनेश लबजु भएको खुलेको छ । उनलाई बुधबार प्रहरीले पक्राउ गरेको थियो ।

गोसाइका परिवारले ति युवकविरुद्ध आत्महत्या दुरूत्साहन कसुरमा जाहेरी दिएका थिए । २७ वर्षीया गोसाई भक्तपुर नगरपालिका वडा नम्बर ८ स्थित आफ्नै घरमा बुधबार राती झुण्डिएको अवस्थामा फेला परेकी थिईन् ।

सशस्त्र प्रहरी बलको तर्फबाट बक्सिङ खेल्ने गोसाईले नवौँ राष्ट्रिय खेलकुदमा ५४ केजी तौल समूहमा रजत पदक जितेकी थिइन् । उनी केहि समयपछि बिहे गर्ने तयारीमा थिइन् ।

प्रहरी वृत्त जगातीले ति युवक विरुद्ध आत्महत्या दुरुत्साहन मुद्दामा म्याद लिएर अनुसन्धान गरिरहेको छ ।