भारत, माघ ८ । भारतको अयोध्यामा नवनिर्मित राम मन्दिरमा भगवान रामको बाल स्वरुपको मूर्तिमा आज प्राण प्रतिष्ठा गरिँदैछ । समारोहमा सहभागी हुन भारत र विदेशबाट धेरै पाहुनाहरू अयोध्या पुगिसकेका छन् ।
अयोध्यास्थित राम मन्दिरको गर्भगृहमा स्थापित भगवान श्रीरामको बालस्वरूप श्री रामको मूर्तिको अभिषेक आज दिउँसो १२ः३० बजे प्राण अभिषेक गरिने र भोलि मंगलबारदेखि मन्दिर भक्तजनका लागि खुला हुने बताइएको छ ।
अयोध्यामा सुरक्षा व्यवस्था कडा गरिएको छ । एचटी रिपोर्टका अनुसार शहरमा १०,७१५ एआई (आर्टिफिसियल इन्टेलिजेन्स) आधारित क्यामेराबाट निगरानी भइरहेको छ। एनएसजीका दुई स्नाइपर टोली तैनाथ गरिएको छ। एन्टी माइन ड्रोनहरू तैनाथ गरिएको छ। अयोध्याको सुरक्षाका लागि १३ हजार सैनिक तैनाथ गरिएको छ ।
अयोध्याधामसहित सिंगो प्रदेश र देशलाई बेहुली झै फूलले आकर्षक र आकर्षक ढंगले सजाइएको छ । अभिषेक अघि नगरमा ठूलो संख्यामा दर्शनार्थी तथा साधुहरुको घुइँचो लागेको छ । रामको लागि देशका कुना–कुनाबाट उपहार आइपुगेका छन् । जनकपुरबाट मन्दिरमा तीन हजारभन्दा बढी उपहार पठाइएको छ । रामायणमा उल्लेखित अशोक वाटिका नामक बगैंचाबाट विशेष उपहार लिएर श्रीलंकाको प्रतिनिधिमण्डल आएको छ । २ घण्टासम्म चल्ने यस शुभ कार्यक्रममा विभिन्न राज्यबाट आएका ५० भन्दा बढी मनमोहक वाद्ययन्त्रहरूले साथदिनेछन् ।
अभिषेक गर्नुअघि माघ १६ गतेदेखि यसका लागि अनुष्ठान सुरु भएको थियो । बिहीबार ९१८ माघ० राम मन्दिरको गर्भगृहमा रामललाको मूर्ति राखिएको थियो । मैसूरका मूर्तिकार अरुण योगिराजले रामललाको ५१ इन्चको मूर्ति बनाएका छन् ।
रामको अभिषेकपछि प्रधानमन्त्री नरेन्द्र मोदीले प्रमुख व्यक्तित्व, राजनीतिज्ञ, अभिनेता, खेलाडी आदिको भेलालाई सम्बोधन गर्ने श्री रामजन्मभूमि तीर्थ क्षेत्र ट्रस्टले जनाएको छ ।
