काठमाडौं, माघ १८ । आज बिहीबार छापावाल सुनको मूल्य पाँच सय रूपैयाँले बढेर प्रतितोला एक लाख १९ हजार दुई सय रूपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ ।

बुधबार छापावाल सुन प्रतितोला एक लाख १८ हजार सात सय रूपैयाँमा कारोबार भएको थियो । त्यसैगरी, तेजाबी सुन प्रतितोला एक लाख १८ हजार छ सय ५० रूपैयाँमा कारोबार भइरहेको छ । हिजो तेजाबी सुन एक लाख १८ हजार एक सय ५० रूपैयाँमा कारोबार भएको थियो ।

यस्तै, बिहीबार चाँदीको मूल्य भने घटेको छ । महासंघका अनुसार आज चाँदी प्रतितोला १० रूपैयाँ घटेर १४ सय १० रूपैयाँमा कारोबार भइरहेको छ ।