काठमाडौं, माघ २० । भारतीय मोडल तथा अभिनेत्री पूनम पाण्डे जिवित छिन् । उनको निधनको खबर झुटो थियो । उनले आफैं इन्स्टाग्राममा भिडियो सेयर गर्दै आफू जीवित रहेको जानकारी दिएकी छन् ।
शुक्रबारदेखि नै पुनम पाण्डेको निधनको चर्चा जताततै भएको थियो । उनको निधनको खबर अभिनेत्रीको इन्स्टाग्राम पोस्ट मार्फत दिइएको हो, जसमा पाठेघरको मुखको क्यान्सरका कारण उनको मृत्यु भएको बताइएको थियो । अभिनेत्रीले आफूलाई क्यान्सर पनि नभएको तर पाठेघरको मुखको क्यान्सर विरुद्ध जनचेतना फैलाउन यो सबै गरेको खुलासा गरेकी छन् ।
उनको मृत्युको खबरलाई उनका फ्यान र कलाकारहरूले सत्य मान्दै शोक व्यक्त गरेका थिए भने धेरैले यी समाचार झुटो भएको भन्दै पुनम जिउँदै छिन् भन्ने दाबी गरिरहेका थिए ।
पुनम पाण्डेको यो भिडियो सार्वजनिक भएपछि सामाजिक सञ्जाल प्रयोगकर्ताले पनिअभिनेत्रीको पोष्टमा धेरैले उनको ठट्टाका लागि आलोचना गरेका छन् । यससँगै उनी धेरै ट्रोल भइरहेकी छन् ।
