पूर्वमन्त्री केशवकुमार बुढाथोकीको निधन
काठमाडौं, माघ २३ । नेपाली कांग्रेसका केन्द्रीय सदस्य तथा पूर्वमन्त्री केशवकुमार बुढाथोकीको सोमबार राति निधन भएको छ ।
नेता बुढाथोकीको ८० वर्षको उमेरमा सोमबार राति ११ः३० बजे विराटनगरमा उपचारको क्रममा निधन भएको नेपाली कांग्रेस झापाका सचिव कृष्ण हुमागाईले जानकारी दिए । प्रोस्टेट क्यान्सरबाट पीडित नेता बुढाथोकीको पछिल्लो समय मृगौला समस्याका कारण उपचार भइरहेको थियो ।
दुई छोरा र एक छोरी रहेका बुढाथोकीको पार्थिव शरीरलाई आज जिल्ला पार्टी कार्यालय झापामा अन्तिम श्रद्धाञ्जलीका लागि राखिने नेपाली कांग्रेस झापाले जानकारी दिएको छ ।
प्रकाशित मिति: मंगलबार, माघ २३, २०८० ११:०३
प्रतिक्रिया दिनुहोस्
थप समाज दर्पण
साताको लोकप्रीय
