निश्चल बस्नेतले गरे तीन रोपनी जग्गा स्थानीय स्वास्थ्य संस्थालाई दान
इलाम, माघ २४ । चलचित्र निर्देशक तथा कलाकार निश्चल बस्नेतले तीन रोपनी जग्गा स्थानीय स्वास्थ्य संस्थालाई दान गरेका छन् । बस्नेतले इलाम नगरपालिका–१ साखेजुङमा रहेको आफ्नो नामको पुर्ख्यौली जग्गा दान गरेका हुन् ।
मंगलबार आफ्नो बुबासँग इलामस्थित मालपोत कार्यालय आएका कलाकार बस्नेतले आफ्नो नामको २ ख ५३ कित्ता नम्बर रहेको तीन रोपनी दुई दाम दुई पैसा जमिन स्थानीय आधारभूत स्वास्थ्य सेवा उपकेन्द्रलाई दान दिएका हुन् ।
उनले बुवाको इच्छामा उक्त जग्गामा स्वास्थ्य संस्थालाई प्रदान गरेको बताए । वडा नम्बर १ का अध्यक्ष गायत्रीराम बस्नेतले साँघुरो रहेको स्वास्थ्य उपकेन्द्र अब सुविधाजनक हुने बताए ।
प्रकाशित मिति: बुधबार, माघ २४, २०८० १३:०६
प्रतिक्रिया दिनुहोस्
थप समाज दर्पण
साताको लोकप्रीय
