काठमाडौं, माघ २४ । क्रिकेट एसोसिएसन नेपालले आयोजना गर्न लागेको नेपाल र क्यानाडाबीचको द्विपक्षीय खेल डिशहोमको एक्सन स्पोर्ट एचडीवानमा प्रसारण हुने भएको छ । ओडीआई सिरिज यही फेब्रुअरी ८ देखि हुने भएको छ ।

उक्त ओडीआईका खेलहरू त्रिवि अन्तर्राष्ट्रिय क्रिकेट मैदानमा हुँदैछ । यस खेलको प्रत्यक्ष प्रसारण एक्सन स्पोर्ट एचडीवान र डिशहोम गोबाट हुने डिशहोमले बताएको छ । एक्सन स्पोर्टले कास्कीको पोखरामा जारी २३ औं संस्करणको आहा रारा गोल्डकप फुटबल प्रतियोगिताको पनि प्रत्यक्ष प्रसारण गरेको थियो ।

यस प्रतियोगिताका लागि क्यानले यसअघि नै रोहित पौडेलको कप्तानीमा १५ सदस्यीय टोली घोषणा गरिसकेको छ ।