राति १० बजेसम्मका लागि हटाइयो वीरगन्जमा जारी निषेधाज्ञा
वीरगञ्ज, फागुन ९ । वीरगन्जमा सोमबार साँझदेखि जारी निषेधाज्ञा आज राति १० बजेसम्मका लागि हटाएको छ । दुई पक्षबीचको झडपलाई दृष्टिगत गरी जिल्ला प्रशासन कार्यालय पर्साले वीरगन्ज क्षेत्रमा जारी गरेको निषेधाज्ञा आज बिहान ६ देखि राति १० बजेसम्मका लागि हटाएको हो ।
सर्वसाधारणको सहजताका लागि निषेधाज्ञा हटाइएको र अवस्थाको आङ्कलन गरी निषेधज्ञा थप खुकुलो बनाउँदै जाने नीति लिइएको पर्साका प्रमुख जिल्ला अधिकारी दिनेशसागर भुसालले जानकारी दिनुभयो । आर्थिक नगरीका वीरगञ्जको दैनिकीलाई प्रभाव नपरोस् भनेर निषेधाज्ञा खुकुलो बनाउन लागिएको उहाँको भनाइ छ ।
रौतहटको इशनाथ नगरपालिकामा केही दिनअघि दुई पक्षबीच भएको झडपको स्थिति सृजना भएपछि जिल्ला प्रशासन कार्यालय पर्साले सोमबार साँझ ५ बजेदेखि अनिश्चितकालीन निषेधाज्ञा जारी गरेको थियो ।
प्रकाशित मिति: बुधबार, फागुन ९, २०८० १४:१३
प्रतिक्रिया दिनुहोस्
थप समाज दर्पण
साताको लोकप्रीय
