काठमाडौं, फागुन २३ । नेपाली कांग्रेसका सभापति शेरबहादुर देउवा र नेपाल कम्युनिष्ट पार्टी (एकीकृत समाजवादी) का अध्यक्ष माधवकुमार नेपालबीच आज भेटवार्ता भएको छ । बुधबार बिहान कोटेश्वरस्थित माधव नेपालको निवासमा गएर देउवाले नेपाललाई सहकार्य गर्ने इच्छा व्यक्त गर्नुभएको छ ।
देउवाले गठबन्धनमा सामेल हुन आग्रह गर्दै माधव नेपाललाई प्रधानमन्त्रीका रुपमा अनुमोदन गर्न तयार रहेको बताउनु भयो । पूर्वप्रधानमन्त्रीद्वयबीचको सो भेटमा सहभागी नेपाली कांग्रेसका प्रमुख सचेतक रमेश लेखकले परिवर्तित सन्दर्भबारे सकारात्मक कुराकानी भएको जानकारी दिनुभयो ।
उहाँले एकीकृत समाजवादीको आजै बस्ने सचिवालयको बैठक र निर्णयका आधारमा आफूहरुबीच पुनः छलफल हुने समेत उल्लेख गर्नुभयो । अध्यक्ष नेपालसँग मङ्गलबार प्रधानमन्त्री पुष्पकमल दाहाल ‘प्रचण्ड’, नेकपा (एमाले)का अध्यक्ष केपी शर्मा ओलीलगायतले पनि भेटवार्ता गर्नुभएको थियो ।
-1731558412.jpg)
