काठमाडौं, फागुन २९ । राष्ट्रिय सभा अध्यक्षका लागि आज निर्वाचन हुँदैछ । नयाँ बानेश्वरस्थित संघीय संसद् भवनमा आज बिहान ११ः०९ बजे राष्ट्रिय सभाको बैठक बोलाइएको बैठकमा अध्यक्षको चुनाव हुनेछ । बैठक केहिक्षणमा सुरु हुँदैछ ।

राष्ट्रिय सभा अध्यक्षमा नेकपा माओवादी केन्द्रका उम्मेदवार नारायणप्रसाद दाहाल र नेपाली कांग्रेसका उम्मेदवार युवराज शर्मा बिचमा प्रतिस्पर्धा हुँदैछ ।

संसद् सचिवालयका अनुसार सत्ता पक्षको तर्फबाट राष्ट्रिय सभा अध्यक्षको उम्मेदवार दाहाल र प्रतिपक्षीबाट शर्माले आफ्नो उम्मेदवारी दर्ता गरेका हुन् । निर्वतमान अध्यक्ष गणेशप्रसाद तिमिल्सिना फागुन २० गते कार्यकाल सकेर बिदा भएपछि आज यस पदमा निर्वाचन हुन लागेको हो ।