काठमाडौं, असार २०। सरकारी खर्चको श्रोत सुनिश्चितताको लागि भोलि सोमबार नेपाल राष्ट्र बैंकले नौ अर्ब १० करोड रुपैयाँको ट्रेजरी बिल जारी गर्ने भएको छ । चालुु आर्थिक बर्षको लागि सरकारले कुुल दुई खर्ब २५ अर्ब रुपैयाँ बराबरको आन्तरिक ऋण उठाउने लक्ष लिएको र सोही लक्ष्यलाई पहिल्याउनको लागि राष्ट्र बैंकले भोलि उक्त परिमाणमा ट्रेजरी बिल जारी गर्न लागेको हो ।
राष्ट्र बैंकका अनुसार सो दिन अपरान्ह तीन बजेसम्म उक्त परिमाणमा ट्रेजरी बिल जारी गरिने छ । असार २२ गते मंगलबार जारी मिती तोकिएको ट्रेजरी वाणिज्य बैंक, विकास बैंक र फाईनान्स कम्पनीहरुले खरिद गर्न सक्नेछन् । बिक्री गरिने उक्त ट्रेजरी ९१ दिने अवधिको नौ अर्ब १० करोड रुपैयाँ रहेको छ । जसमध्ये १० करोड रुपैयाँको ट्रेजरी पुरानो नविकरण अन्तर्गतको र बाँकी नौ अर्ब रुपैयाँको ट्रेजरी भने नयाँँ रहेको राष्ट्र बैंकले जानकारी दिएको छ ।
ट्रेजरीको परिपक्व हुुने अवधि २०७८ असोज १९ गते तोकिएको छ । यसअघि गत साता पनि ९१ दिने अवधिको ११ अर्ब १० करोड र एक सय ८२ दिने अवधिको १० अर्ब रुपैयाँको ट्रेजरी बिक्री गरिएको राष्ट्र बैंकको भनाई छ ।
