जेलमा रहेका टोपबहादुर रायमाझीलाई मुटुमा समस्या भएपछि अस्पताल भर्ना
चिकित्सकको निगरानीमा नेता रायमाझीको उपचार हुँदै
काठमाडौं, चैत १५ । नक्कली भुटानी शरणार्थी प्रकरणमा हिरासतमा रहेका नेपाल कम्युनिष्ट पार्टी (एमाले)का पूर्वसचिव टोपबहादुर रायमाझीको मुटुमा समस्या भएपछि अस्पताल भर्ना गरिएको छ । रायमाझीलाई बुधबार मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा चिकित्सकको निगरानीमा राखिएको छ ।
नेता रायमाझीको स्वास्थ्य अवस्था स्थिर रहेको जानकारी दिँदै उहाँको उपचारमा संलग्न वरिष्ठ मुटुरोग विशेषज्ञ डा चन्द्रमणि पौडेलले उहाँलाई मुटुको चालको निगरानी गर्न सेन्टरमा राखिएको बताउनुभयो ।
“उहाँलाई रिँगटा लागेर मुटुको चाल कम भएपछि भर्ना गरिएको हो”, डा पौडेलले भन्नुभयो, “अहिले उहाँको मुटुको इसिजी गरेर चिकित्सकको निगरानीमा राखिएको छ ।” उहाँको स्वास्थ्यमा कुनै समस्या नभए पनि मुटुको चाल मात्र कम भएको बताउनुभयो ।
प्रकाशित मिति: बिहीबार, चैत १५, २०८० १०:३२
प्रतिक्रिया दिनुहोस्
थप समाज दर्पण
साताको लोकप्रीय
