अयोध्या, वैशाख ५ । आज रामनवमी पर्व देशभर हर्षोल्लासका साथ मनाइँदैछ । यस पर्वमा भारतको अयोध्यास्थित राम मन्दिरमा विशेष कार्यक्रमको आयोजना गरिएको छ । प्राणप्रतिष्ठापछि अयोध्यामा भगवान रामको पहिलो जन्मजयन्ती भव्यताका साथ मनाइएको छ ।

रामनवमीको अवसरमा भगवान् रामको दर्शन गर्न बिहानैदेखि लाखौँ भक्तहरू लाइनमा उभिएका छन् । यस अवसरमा भगवान रामलाई पहिले पञ्चामृतले स्नान गराइएको छ । पञ्चामृत स्नान गरेपछि अत्तरले पनि  स्नान गराइयो । त्यसपछि भोग आरती र शृंगार आरती गरिएको थियो । श्रृंगार आरतीपछि रामभक्तहरूका लागि भगवान रामको दरबार खोलिएको थियो ।

राम जन्मजयन्तीको अवसरमा भगवान रामको दरबारमा ५६ परिकार चढाइएको छ । आज बुधबार र सामान्य दिनमा अयोध्याका रामललाले हरियो वस्त्र लगाउँछन् । तर आज आफ्नो जन्मजयन्तीको अवसरमा भगवान रामले पीताम्बरीअर्थात पहेँलो रङको लुगा लगाएको देखिन्छ भने लुगा पनि सुन र चाँदीले जडित छ ।

आज रामनवमीका दिन रामललाको ५ वर्ष पुरानो रूपमा सूर्य अभिषेक गरिएको थियो । यसका लागि धेरै वैज्ञानिकहरुले तयारी गरेका थिए । सूर्य तिलकको लागि आजभन्दा धेरै पटक परीक्षण गरिएको थियो । अरु देशका पनि धेरै मन्दिरहरूमा सूर्यदेवले देवताहरूलाई अभिषेक गर्ने गर्छन् ।

रामजन्मोत्सवको अवसरमा लाखौं भक्तजन अयोध्या पुगेका छन् । रामनवमीको अवसरमा पुरै नगरलाई त्रेतायुगजस्तै सजाइएको छ । अयोध्यामा रामनवमीको तयारी केही दिन अघिदेखि नै सुरु भएको थियो । यस अवसरमा ५० लाखभन्दा बढी रामभक्तहरू पुग्ने गरी सुरक्षाको व्यापक व्यवस्था गरिएको छ ।