काठमाडौं, वैशाख ३० । काठमाडौं महानगरपालिका–९ बत्तीसपुतलीस्थित कुमारी टोलको सडकमै दुई समूहबीच झडप हुँदा एकजनाको मृत्यु भएको छ ।

झडपमा मोरङ घर भई कुमारी टोलमा बस्दै आएका २४ वर्षीय शम्भु धिमालको मृत्यु भएको जिल्ला प्रहरी परिसर काठमाडौंका प्रवक्ता नवराज अधिकारीले जानकारी दिनुभयो । घटनामा संलग्न रहेको अभियोगमा चारजनालाई प्रहरीले नियन्त्रणमा लिएर अनुसन्धान भइरहेको छ ।

धिमालको शव त्रिभुवन विश्वविद्यालय शिक्षण अस्पताल महाराजगञ्जमा परीक्षणका लागि राखिएको प्रवक्ता अधिकारीले बताउनुभयो ।
–––