काठमाडौं, जेठ १६ । उपप्रधान एवम् गृहमन्त्री रवि लामिछानेलाई निलम्बन गर्न माग गरिएको रिटको सुनुवाइ स्थगित भएको छ ।

सर्वोच्च अदालतका न्यायाधीश सुनिलकुमार पोखरेलको इजलासमा परेको पेसी निवेदक अनुपम भट्टराईले नै सुनुवाइ स्थगन गर्न निवेदन दिएकाले सुनुवाइ आज स्थगित गरिएको हो । १० ‍औं नम्बरमा परेको पेसी तयारी नपुगेको भन्दै स्थगित गरिएको हो ।

गृहमन्त्री लामिछानेलाई अनुसन्धान प्रक्रिया चलिरहेका बेला पदबाट निलम्बन गर्न माग गर्दै सोमबार भट्टराईले सर्वोच्च अदालतमा रिट निवेदन दर्ता गरेका थिए।