कमलामाई (सिन्धुली), असार ५। बिहानदेखि अवरूद्ध भएको मध्यपहाडी लोकमार्ग एकतर्फी सञ्चालनमा आएको छ।  ‘एक्स्काभेटर प्रयोग गरी अहिलेलाई एकतर्फी सवारी साधन चल्ने बनाइएको हो ।

पहिरोले गोलञ्जोर गाउँपालिका–६ हैबारबेँसी नजिकको अक्करेभिर, गोलञ्जोर–१ कुडुले, फिक्कल गाउँपालिका–२ सुम्नामबेँसीलगायत क्षेत्रमा सडक अवरुद्ध भएको हो ।

जिल्ला प्रहरी कार्यालयका प्रमुख प्रहरी उपरीक्षक गोविन्दराज काफ्लेका अनुसार खुर्कोटबाट पूर्वतर्फको सडकखण्ड अवरुद्ध हुँदा दर्जनौँ सवारीसाधन तथा यात्री अलपत्र परेका थिए । त्यस्तै गोलञ्जोर–१ कुडुलेमा प्र२–०३–००१ख ७१४४ नम्बरको ट्रक पहिरोले पुरिएको छ, ट्रक पुरेको स्थानमा पनि एक्स्काभेटरले पहिरो पन्छाइरहेको छ ।