जडीबुटीमा टिपर र स्कुटर ठोकिएर घाइते भएकी महिलाको मृत्यु
काठमाडौं, असार ८ । काठमाडौँ महानगरपालिका–३२ जडीबुटीस्थित आकाशेपुल नजिक सडकमा टिपर र स्कुटर ठोकिएर घाइते भएकी महिलाको मृत्यु भएको छ ।
जडिबुटी आकाशेपुल नजिक सडकमा बा.३ क ३०५३ नम्बरको टिपर र बा.प्र.०२–०३९ प ९९५२ नम्बरको स्कुटर एकआपसमा ठक्कर खाई शुक्रबार दिउँसो दुर्घटना हुँदा स्कुटरमा सवार ललितपुर सानागाउँ बस्ने ४३ वर्षीया लक्ष्मी देवी श्रेष्ठको ट्रमा सेन्टरमा उपचारको क्रममा मृत्यु भएको हो ।
साथै दुर्घटनामा घाइते भएका स्कुटर चालकको सोही अस्पतालमा उपचार भइरहेको छ । टिपर चालकलाई प्रहरीले नियन्त्रणमा लिएर आवश्यक कारबाही भइरहेको प्रहरीले जनाएको छ ।
प्रकाशित मिति: शनिबार, असार ८, २०८१ २२:०५
प्रतिक्रिया दिनुहोस्
साताको लोकप्रीय
